BUTUAN CITY – Gipasusupinde sa Sandiganbayan si Tagbina, Surigao del Sur Mayor Generoso Naraiso tungod sa kasong kahiwian niadtong 2015.

Base sa resolusyon, gipamugos sa anti-graft court ang pagsupak sa alkalde sa balaod sa dihang gibabagan niini ang pag-release sa bayad para sa “representation and transportation allowance” sa municipal accountant sukad niadtong Marso hangtud sa Hulyo sa maong tuig.

Kini bisan paman sa direktiba na usab nga gipagawas kaniadto sa Civil Service Commission.

Nakalatid sa Section 13 sa Ant-Graft and Corrupt Practices Act nga mamahimong suspendihon sa korte ang bisan kinsa mang opisyal o empleyado sa gobyerno nga mosupak sa unod sa Revised Penal Code mahitungod sa mga empleyado ug opisyales sa gobyerno.

Nag-atubang karun sa 90-ka adlaw o 3 ka buwang suspensyon si Mayor Generoso Naraiso.