BUTUAN CITY – Nagpagawas og medical bulletin ang Adela Serra Ty Memorial Medical Center nga nagkumpirma sa pagka-confine ni Surigao del Sur Governor Alexander ‘Ayec’ Pimentel human nagpositibo sa COVID-19 ug nakasinati og mild symptoms apan anaa na sa stable condition.
Base sa maong bulletin, gikumpirma sa nasangpit nga ospital nga stable ang vital signs sa gobernador ug wala’y medical complaints sukad sa iyang pagka-admit apan padayon ang pag-monitor kaniya apil ang paghatag kaniya og medical ingon man nursing care.
Bisan og na-ospital na, padayong gipahinumduman sa gobernador ang publiko nga istriktong obserbahan ang tanang health precautions batuk sa COVID-19 sama sa kanunay nga paghugas sa mga kamot, pagsuot og face mask ug face shield, physical distancing ingon man ang pag-share sa mga sakto ug lihitimong mga balita ug impormasyon.
