-- ADVERTISEMENT --
BUTUAN CITY – Tungod sa kalapad sa damyos nga hatud sa magnitude 7.4 nga linog nga mi-igo sa lungsod sa Hinatuan, Surigao del Sur niadtong gabii sa Disyembre 2, gipa-ilalom na sa state of calamity ang tibuok lalawigan sa Surigao del Sur ilabina nga padayon pa ang kusog nga mga aftershocks.
Kini human gipirmahan ni Governor Alexander Pimentel ang Sangguniang Panlalawigan resolution No. 1410-23 nga maoy magpadali sa pagsanong sa panginahanglanon sa mga pamilyang apektado sa kusog nga linog ilabina kadtong nawad-an og mga pinuy-anan.
Sigon ni Governor Pimentel, padayon ang ilang gihimong assessment sa mga nagubang imprastraktura sama sa mga paaralan, mga tulay ug covered courts.
