BUTUAN CITY – Gihikay na sa Philippine Drug Enforcement Agency kon PDEA-Caraga ang pagpasaka og kasong paglapas sa Section 5, Article II sa RA 9165 batuk sa usa ka surfing instructor nga nadakpang namaligya og shabu gadto sa poseur-buyer.
Kini human milampos ang buy-bust operation nga ilang gihimo batuk kang Patrick Nogera Arjona, 29-anyos ulitawo ug residente sa Catangnan, General Luna, Siargao Island, lalawigan sa Surigao del Norte.
Gilusad ang operasyon pasado alas-9:30 kagabii uban sa ginsakpan sa General Luna PNP ug Surigao del Norte Police Drug Enforcement Unit.
Gi-ila sa PDEA-Caraga ang suspeak nga usa ka High-Valued Target ug membro sa Delgado Drug Group.
Nakuha gikan sa iyang posisyon ang usa ka cell phone, usa ka libo ka pesos anga salaping cash isip marked money, ingon man selyadong transparent plastic sachet sa gitu-uhang shabu nga gibana-banang mitimbang og un-gramo ug gitu-uhang nagkantidad og 10-mil pesos.
