BUTUAN CITY – Stable pa ang supply sa kuryente sa Mindanao ilabina sa lalawigan sa Agusan del Norte.
Sigon ni National Grid Corporation of the Philippines kon NGCP-Caraga Regional Communication and Public Affairs Officer Kristoffer Abellanosa, tungod kini sa kadaghan na sa mga electric providers sa Mindanao kansang mga sources mao ang hydro ingon man solar.
Wala usab gilimod sa opisyal nga duna gihapoy kakulangon ang ilang industriya, apan gitubag nila kini pinaagi sa mga maintenance rason nga dunay mga power interruptions nga masinatian sa pipila ka mga lugar.
Giklaro usab ni Abellanosa nga ang bugtong papel lamang sa ilang ahensya mao transmission sa kuryente sa sakto nga boltahe gikan sa mga power plants ngadto sa mga electric cooperatives isip energy service provider.
