BUTUAN CITY – Nahatod na sa iyang katapusang pahulayan sa Libingan ng mga Bayani ang gi-ilang ‘National Artist’ nga si Nora Aunor insaktong alas-12:00 sa udto human ang gilhatag kaniyang state funeral nga gipahigayon sa Metropolitan Theater sa Manila human kini namatay niadtong Abril 16 ning tuiga, sa edad nga 71-anyos.
Libuan sa iyang mga supporters ug fans ang nanambong sa necrological services aron ihatag ang ilang katapusang pagtahod sa iyang dili matupngan nga kontribusyon sa sining ug pelikula.
Mihatag sa ilang emosyunal nga mensahe ang iyang mga anak nga sila Lotlot ug Ian de Leon isip tribute sa ilang inahan, nga gihandom isip usa ka kahayag nga dili gayud mawagtang.
Ang iyang mga pelikula sama sa “Himala” ug “Bona” gipasalida pag-usab isip kabahin sa paghinumdom sa iyang legasiya.
Ang iyang pagpanaw nagdala og dakong kasubo sa industriya sa pelikula, apan ang iyang sining magapadayon nga buhi sa kasing-kasing sa iyang mga fans.
