BUTUAN CITY – Kapin sa ₱3,000,000.00 ang gibana-banang damyos sa nahitabo’ng sunog kagahapong adlawa didto sa Barangay 5, lungsod sa Nasipit Agusan del Norte pasado ala-1:30 ang takna sa hapon ug gideklara nga fire out alas-2:00 kapin sa hapon.
Sumala sa duty investigator Fire Officer 2 Dahan, nagsugod ang kalayo sa bag-ong napalit nga panimalay ni Mrs. Lozada ug dali kining mikaylap sa mga silingang tindahan ug balay resulta sa pagka-abo sa upat ka mga tindahan ug duha ka panimalay.
Gi-angkon ni Dahan nga nadelatar ang ilang pagresponde sa sunog kansa midagan pa og halos 30-minutos tungod kay walay naka-report kanila sa maong panghitabo kondiin ang ilang ka-uban na matud pa maoy mitawag kanila gumikan kay nataymingan nga anaa kini sa public market sa maong higayon.
Sa pagkakaron, padayon pa ang mas lawom nga imbestigasyon sa Bureau of Fire Protection kon BFP Nasipit aron masuta ang hinungdan sa pag-ulbo sa kalayo.
