BUTUAN CITY – Mukabat sa kapin kon kulang 150 mil ang katibuk-ang danyos sa nahitabong sunog nga nilamoy sa usa ka andanang panimalay sa pamilya Maquiling sa Prk 8 lucky Village Brgy. Ambago, Butuan City.
Sa eksklusibong pakighinabi sa Bombo Radyo Butuan kang SFO1 Ted Ganapin sa BFP Butuan, gikabutyag niining fully develop na ang kalayo sa ilang pagresponde kauban ang Chinese hinungdan nga wala na nila nasalba ang naugdaw nga balay.
Base sa gihimong imbestigasyon nasayran nga naglana matod pa ang 80 anyos nga si Andrea Montederoso kinsa ugangan ni Rodrigo Maquiling, nalingaw matod pa og lantaw ang tigulang sa palabas sa TV hinungdan nga nakalimtan niini ang gitak-ang nga lana nga gidakop na diay sa kalayo.
Gisulayan pa sa lola pagpalong ang kalayo pinaagi sa pagbubo ug tubig nga nagresulta sa iyang nahiagumang 3rd degree burn sa iyang tuong kamot ug agtang. Hinuon luwas nga nakagawas sa nasunog nga balay ang biktima kinsa padayong nagpa alim karon sa balay tambalanan.
Nasayran nga wala niadtong tungora ang tag-iya sa panimalay og tungod sa paspas nga pag ulbo sa kalayo, walay gamit nga nasalbar gikan sa maong panimalay.
Nikabat sa 5 minutos ang pakigkumbati sa 2 ka unit sa BFP Butuan, og Filipino Chinese Fire volunteer adiser hingpit nga nadeklarang fireout ang sunog. Hugot usab ang pasidaan sa BFP nga mag igmat sa pag gamit sa kuryente ug sa kusina aron malikayan ang sunog.
