BUTUAN CITY – Padayon karun ang hot pursuit operation sa kasundaluhan aron sa paggukod sa mga rebelding New People’s Army kon NPA nga midagan human sa sunod-sunod nga engkuwentro sa bukirang parte sa Barangay Mabuhay, Prosperidad, Agusan Del Sur.
Sigon ni Capt. Aldem Viernes, Civil Military Operation kon CMO Officer sa 401st Brigade Philippine Army, naglusad sila og security patrol tungod sa sumbong nga dunay presensiya sa mga rebelde sa maong lugar nga miresulta sa engkuwentro sa nakalabay nga adlaw.
Sa gihimung clearing operation, subling miulbo ang giyera diin ning higayona, napatay ang wala pa mailing rebelde samtang nailog usab ang kampo nga mo-akomodar og 60 ka mga tawo.
Sumala pa sa opisyal, ang rebelde anaa sa pangedarong 20-ngadto sa 23-anyos kansa maoy gipaon sa ilang mga kaubanang nanibat.
Gidala nila kini sa barangay apan walay nakaila sa nakalas nga rebelde. Lakip sa nakumpiska human sa engkuwentro ang usa ka M16, 4 ka Magazine, usa ka improvised explosive device, 1 ka commercial radio, 1 ka backpack, 1 ka cellphone ug personal nga mga gamit.
Nasayrang tumong usab sa ilang security operation nga maseguro ang kaluwasan sa mga nanuroy sa tourist spot nga Bega Falls nga anaa sa maong dapit.
