BUTUAN CITY- Tahasan nga gibutyag ni U.S. President Donald Trump nga ang mosunod nga supreme leader sa Iran kinahanglan una nga makadawat ug pagtugot gikan sa Estados Unidos gani kung dili, dili kini magdugay.
Sa usa ka pamahayag niadtong Domingo (oras sa Amerika), giinsistar ni Trump nga importanteng masiguro sa U.S. nga dili makamugna ang Iran og nuclear weapon sa umalabot.
Sigon pa niini nga adunay plano ang Iran nga kontrolon ang tibuok Middle East apan napugngan kini sa aksyon sa Amerika.
Wala usab gisalikway ni Trump ang posibilidad nga magpadala ang U.S. og special forces aron makontrol ang enriched uranium sa Iran, kansa gituohan nga igo na aron mahimong weapons-grade sulod sa napulo ka adlaw.
Ang uranium kasagarang anaa sa mga pasilidad nga nabomba ubos sa Operation Midnight Hammer, lakip na ang Natanz Nuclear Facility, Isfahan Nuclear Technology Center, ug Fordow Fuel Enrichment Plant.
Bisan pa sa pagsaka sa presyo sa gasolina tungod sa tensyon sa rehiyon, gihulagway ni Trump ang sitwasyon nga “gamay ra nga aberya” ug gipanghambog ang dakong kadaot nga nahimo sa militar sa Iran, lakip ang ilang navy, air force, ug communication systems.
