BUTUAN CITY – Hustisya ang singgit sa mga kabanay ug kasundaluhan batuk sa brutal nga pagpatay sa mga rebeldeng New People’s Army kon NPA ngadto sa sundalong si PFC Ariel Boy Maca, aktibong membro sa 36th Infantry Battalion, Philippine Army, residente sa Brgy. Bitaugan, lungsod sa San Miguel, Surigao del Sur.
Base sa asuy ni Datu Rico Maca, ig-agaw sa biktima ug Indigenous People Mandatory Representative kon IPMR sa lungsod sa San Miguel, nahitabo ang kremin sa bukirang bahin sa Brgy. Pakwan, lungsod sa Lanuza, sa susamang lalawigan.
GI-atangan matud pa ang iyang ig-agaw sa mga rebeldeng New People’s Army dayong pusil sa nagkda-iyang parte sa lawas.
Ang ilang gikasakit og maayo tungod kay gibunal-bunalan usab kini sa nagkada-iyang parte sa lawas nga miresulta sa pagkabali sa iyang mga gusok ug gilugit pa ang mga mata.
Dugang pa ni Datu Rico, tulo ka tuig pa lang sa serbisyo ang biktima hinuon siyam ka tuig kining nahimong konsehal sa Brgy. Bitaugan. Nakasulod matud pa kini pagkasundalo dihang naghanyag na ang militar og oportunidad sa mga lumad nga gustong mahimong membro sa han-ay sa kasundaluhan.
Wala matud pa unta’y angayang ikasakit ang mga rebelde tungod kay dili man kanhi rebelde ang iyang ig-agaw nga mibalik sa sabakan sa balaud kansa maoy kalagutan sa walhong grupo partikular sa Guerilla Front Committee 21 ug 16 nga gitu-uhan nilang ma;oy responsable sa panghitabo.
Gawas pa kini sa kamatu-uran nga wala kini dalang armas dihang misaka sa bukid alang sa signal testing. Gidala pa sa mga rebelde ang cell phone, sing-sing og pitala sa biktima nga duna’y sulod nga 50-mil pesos.
