BUTUAN CITY – Gikumpirma ni Col. Rommel Pagayon sa 26th IB, Philippine Army nga usa sa ilang ka-ubanang sarhento ang patay human ang pakig-engkwentro batuk sa rebeldeng grupo ning mi-aging hapon sa Brgy. Binucayan, lungsod sa Loreto, Agusan del Sur.
Sa eksklusibong pakighinabi ning sibyahan, gibutyag sa opisyal nga naigo sa abaga ang wala pa gi-ilang biktima kansa migawas sa iyang ilok hinungdan sa wala na ma-agwantang injury nga miresulta sa iyang kamatayon.
Nakadalikyat matud pa sa maong lugar ang mga sundalo human nakadawat og report nga gilibutan sa mga sakop sa Guerila Front Cimmittee 3 sa Southern Mindanao Regional Command ang usa ka sitio sa maong barangay hinungdan sa 30-minutong engkwentro.
Gihikay na nila ang mga benepisyong madawat sa pamilya sa maong sundalo kansa planong hayaon sa ilang pinuy-anan sa Esperanza, Agusan del Sur. (Beth Ruiz)
