BUTUAN CITY – Padayon karung gihulat ang kumpletong guidelines alang sa pagpatuman sa trimester nga sistema sa edukasyon sa nasud Pilipinas.
Sigon ni Pedro Tecson, tigpamaba sa Department of Education kon DepEd-Caraga nga gipagawas na ang proposal nga trimester ni Education Secretary Sonny Angara diin nagbutyag pa nga basin sa sunod nga tuig-tingtungha kini mapatuman ugaling hingpit nga ma-implementar.
Gipasabot ni Tecson nga dunay kabag-ohan sa maong sistema sa edukasyon nga makonsiderang bentaha.
Sama na lang matud pa sa schedule sa exam diin katulo na lang kini himoon imbes nga kaupat sa usa ka school year. Tungod niini mas mahatagan ang kabataan sa igong panahon sa pagtoon.
Samtang tinguha usab niini nga ma-consolidate ang mga aktibidadis og dili magdasok sa usa lang ka panahon.
Apan giklaro ni Tecson nga sa gisugyot nga sistema walay gikinahanglan nga dugang budget o bakaha dugang nga personahe DepEd og dili usab mautro ang mga subjects lakip na ang ihap sa adlaw sa pagtungha.
Gibutyag usab ni Tecson nga kinahanglan gayud ang consultasyon ngadto sa mga magtutudlo ug ginikanan aron makuha usab ang ilang panglantaw mahitungod sa gisugyot nga kausaban sa sistema sa edukasyon sa Pilipinas.
