BUTUAN CITY- Gi-aprubahan na sa House Committee on Ways and Means ang sugyut-balaodnon nga maghatag og gahom kang President Ferdinand “Bongbong” Marcos Jr. nga temporaryong suspindihon o kunhoran ang excise tax sa mga produktong petrolyo aron maprotektahan ang mga Pilipino batok sa pagsaka sa presyo sa lana sa global market.
Gihi-usa sa substitute bill ang 15 ka proposal ug 2 ka joint resolution, lakip ang House Bill 8292 nga gipasaka nila Speaker Faustino “Bojie” Dy III ug Ilocos Norte Rep. Sandro Marcos, kansa tumong nga tugotan ang Pangulo nga magpatuman og suspensyon sa fuel excise tax panahon sa national o global economic crisis.
Ubos sa maong sugyot, posibleng ipatuman ang suspensyon ugaling mo-abot o molapas sa $80 matag bariles ang average nga presyo sa Dubai crude oil sulod sa usa ka buwan, o kung adunay idiklarang emergency nga makahimo og grabe nga pagsaka sa presyo sa lana sa nasud.
Sa higayong ipatuman ang suspensyon, kinahanglan usab nga magsumite ang Pangulo og taho sa Kongreso sulod sa 15 ka adlaw ugmatag buwan.
Ang sugyot isumite na sa plenaryo sa Kamara alang sa dugang nga deliberasyon. Sa joint meeting usab sa Committee on Energy ug committee on Trade and Industry, adiser giaprubahan ang proposal, aduna pay panaghisgot nga nahitabo diin asa gibatikos ni Manila Representative Rolando Valeriano ang oil company nga walay hunong sa pagpasaka sa presyo sa lana.
Gikwesyton ni Valeriano ang gi-ingong paspas nga lakang sa nasangpit nga kompanya.
Sa hearing usab sa Committee on Energy, sigon ni Energy Secretary Sharon Garin, nga andam na ang contingency plan sa gobyerno aron nga matubag ang posibleng pagsaka sa presyo sa lana sa pangaklibotanong merkado.
Sumala ni Garin nga lakip sa mga lakang nga gitun-an mao ang suspension o ang pag-kunhod sa excise tax sa petrolyo ingon man sa mga sektor nga grabeng ma-apektuhan.
Gisiguro sa Secretary nga padayong gimonitor sa Department of Energy ang lihok sa presyo sa lana.
Si Department of Energy Secretary Sharon Garin.
