BUTUAN CITY – Nagduso si Senator Erwin Tulfo og sugyot balaodnon nga maghatag og interest-free loan sa mga overseas Filipino Workers (OFW) aron magastuhan ang ilang pre-depature requirements ug malikayan nga malubong sa utang adiser pa man makabiya sa nasud.
Sa ilalom sa Senate Bill No. 1696 o “OFW Pre-Employment Loan Assistance Act” mamahimong makahulam og hangtud sa P100,000 ang usa ka OFW nga dunay tinood nga kontrata sa trabaho.
Prayoridan sa programa ang mga first-time OFWs, nga kinahanglang moagi sa libreng financial literacy seminar adiser mobiya sa nasud.
Sigon ni Tulfo, bilyones dolyares ang natampo sa mga trabahanteng Pilipino abroad sa ekonimiya apan daghan pa gihapon ang napugos nga mangutang og dunay taas nga interest aron mabayaran ang placement fees, medical examination, training, passport, visa, pamasahe ug uban pang gastuson.
Matud pa daghan ang midool sa ilang Action Center para mangeta og pambayad sa mga requirements ug kasagaran sa mga niini miadtu sa loan sharks para lang maka-trabaho abroad.
Alayon niini, nakalatid sa sugyot nga walay interes ang loan sulod sa unang tuig nga pagbayad.
Aron maseguro ang koleksyon, kinahanglang dunay usa kapamilya ang magsilbing co-borrower. samtang para usab sa mga first-time OFWs, mamahimong bayaran ang utang sulod sa hangtud 18 ka buwan ug hatagan sila og prayoridan sa loan access, gawas sa libreng financial literacy training.
Samtang ugaling mahimong hingpit nga balaod, ang programa ipatuman sa Department of Migrant Workers (DMW) ug Overseas Workers Welfare Administration (OWWA).
