BUTUAN CITY – Aprubado na sa Department of Education (DepEd) ang dugang subsidiya sa mga private school teachers ilawom sa Teacher’s Salary Subsidy (TSS) kondiin gikan sa ₱18,000.00, himoon na kining ₱24,000.00 sugod karong school year 2025-2026.
Kini subay na usab sa deriktiba ni Pangulong Ferdinand Marcos Jr. atol sa ika-upat niining State of the Nation Address (SONA) kondiin epektibo kini isip kabahin sa GASTPE program alang sa mga magtutrudlo sa ESC (Education Service Contracting), ug ihatag lang sa mga kwalipikadong magtutudlo nga misunod sa patakaran sa DepEd.
Bisan og dili kini direkta sa suweldo, ang subsidy libre sa buhis, dili parte sa basic salary, ug naghatag og dugang ₱6,000 kada tuig kon bugti sa ₱500 kada buwan ug ang pagdawat niini, mag-agad sa patakaran sa eskwelahan.
Sa pagkakaron, wala pa’y balaud nga nagtakda sa pagtaas sa basic salary sa mga pribadong magtutudlo rason nga ang maong subsidy ang pinakaduol nga lakang padulong sa dugang nga kita alang kanila.
