BUTUAN CITY – Nakatala na ang Coast Guard Station Surigao del Norte og 171 ka mga stranded nga pasahero gikan sa Surigao ug Lipata Ports sa Surigao City ingon man 69 ka mga rolling cargoes.
Sigon ni Ensign Roy Christopher Orillaneda, kini human nila temporaryong gisuspende ang biyahe sa tanang klase sa sakyanang pandagat sukad pa kagahapon dihang anaa na sa bisinadad sa ilang area of responsibility ang bagyong Basyang aron masiguro ang kaluwasan sa tanan.
Sa eksklusibong pakighinabi ning sibyahan, gipadayag sa opisyal nga apektado sa maong suspensyon ang mga lugar nga ma-igo usab sa bagyo sama sa Cebu, Sorsogon, Southern Leyte, Suargao, Dinagat Islands ug mga island barangays sa Surigao del Norte.
Gipasabot sa opisyal nga sa ingon niini nga sitwasyon, maghatag sila og pagkaon uban sa lokal nga kagamhanan, Philippine Ports Authority ug uban pang hingtungdang ahensya sa kagamhanan.
