BUTUAN CITY – Prayuridad karon sa Kongreso ang pagsugyot og mga mutubag sa mga problema ug panginahanglanon ning panahon sa COVID-19 crisis.
Kini ang gipadayag ni Butuan City ug Agusan del Norte 1st District Rep. Lawrence Lemuel Fortun sa eksklusibong pakighinabi sa Bombo Radyo Butuan human nga balik-sesyon na sila kagahapon.
Gihimong pananglitan sa magbabalaud ang pagmugna og field nga maoy mututok sa nawalang trabaho karon panahon sa krisis sa ingon masalbar pa ang nahugno nang ekonomiya ug mga nagsirang industriya.
Kini ilabina nga sa pagligid sa panahon, nasuta nga dili andam ang nasud sa ingon niini nga krisis nga wala la-uming mu-abot.
Apil usab sa ilang prayuridad ang stimulus fund ug ubang mga assistance alang sa education sector ilabina nga gisugyot na ang electronic learning o classes.
Gipasabot sa kongresista nga gikinahanglan gyod ang na-andan nang physical presence sa mga estudyante sa ilang pagtungha apan dili na kini mahitabo tungod sa health crisis karon rason nga gisugyot ang online classes.
Gipasabot sa kongresista nga dili pa kini applicable karon ilabina sa mga pampublikong tunghaan ilabina nga kadaghanan sa mga estudyante wala’y internet connection sa ilang pinuy-anan ug wala usa’y mga gadgets.
