BUTUAN CITY – Nagdeklara og state of catastrophe si Chilean President Gabriel Boric sa duha ka rehiyon sa habagatan sa Chile tungod sa nagpadayon nga dagkong wildfires nga naka-apekto sa labing menos 20,000 ka mga tawo ug pagkapatay sa laing 21.
Sumala sa CONAF forestry agency, adunay 24 ka aktibong sunog nga gi-atubang sa mga bombero sa nasud, ug ang pinakadako niini nahimutang sa mga rehiyon sa Ñuble ug Bío Bío, mga 500 km gikan sa capital Santiago, diin gideklarar ang emerhensiya.
Sigon ni Boric, ang tanang resources gigamit aron mapawng ang sunog nga milamoy sa hapit 8,500 hectares (21,000 acres) sa duha ka rehiyon, nga nakapahimong peligroso sa daghang komunidad ug hinungdan sa evacuation orders.
Ang kusog nga hangin ug taas nga temperatura nakapadali sa pagkaylap sa sunog ug nakabalda sa trabaho sa mga bombero.
Daghang bahin sa Chile ang gi‑alerto sa extreme heat, nga moabot og 38°C (100°F) gikan sa Santiago hangtod sa Bío Bío niadtong Dominggo ug kagahapon Lunes.
Ang Chile ug Argentina nakasinati og extreme temperatures ug heat waves sukad sa pagsugod sa tuig, diin nagkabungkag usab ang dagkong wildfire sa Patagonia sa Argentina ning miaging bulan.
