BUTUAN CITY – Gipa-ilalom na sa state of calamity ang entiro lungsod sa General Luna sa probinsiya sa Surigao Del Norte tungod sa epektong hatud sa daot nga panahon diin sa karun nagtunhay ang Low Pressure Area kon LPA.
Kini ang migawas nga disesyon sa gihimong special emergency session sa nakalabay nga adlaw kauban ang Municipal Disaster Risk Reduction Management Council kon MDRRMC sa General Luna .
Atol sa pulong, girekomenda ni MDRRMC chairperson Mayor Sol F. Matugas ang pagpalabang sa resolusyong pagdeklara og state of calamity kansa gi-aprubahan usab sa Sangguniang Bayan. Base sa situational report, lima sa 19 ka barangays sa maong municipalidad ang hilabihang na-apektuhan sa pagbaha nga hatud sa walay hunong nga ulan.
Kini mao ang Barangay Corazon, Poblacion 2, Poblacion 3, Suyangan og La Januza. Una nang nagdeklara og state of Calamity ang Barangay Corazon pinaagi na usab sa ilang Barangay Kapitan nga si Rutchel Longay.
Ang Barangay Corazon gibaha na sukad pa niadtong Disyembre 2022.
