BUTUAN CITY – Giyam-iran ra sa mga sibuyas vendors sa may Tabuan area ning siyudad sa Butuan ang gipasi-atab sa Department of Trade and Industry kon DTI nga 120-pisos kada-kilo nga suggested retail price sa matag-kilo sa sibuyas.
Sigon ni Luciana Bernales, maayo ang tumong sa maong ahensya apan dili matud pa niya kini mapatuman karon tungod kay 200-pisos kada-kilo ang palit niya niini dihang nangumpra siya sa Bulua Market sa Cagayan de Oro City.
Gawas pa, imposible usab kining mapatuman karon ilabina nga matag-Christmas season, na-andan na sa pipila ka katu-igan nga musaka gayod ang presyo sa mga panakot apil na ang bombay. Posible matud pa kining mahitabo pag-abot na sa Enero sunod tuig diin dili na kaayo kusog ang pagpamalit og mga panakot.
Samtang – tira 1st LOCAL-B
Susamang pamahayag usab ang giluwatan sa laing sibuyas vendor nga si Melissa kinsa nagbutyag nga imposible matud pa ang gusto sa Department of Trade and Industry.
Kini tungod kay gawas nga mahal nang daan ang ilang kumprada, mugasto pa sila sa pagpabiyahe sa ilang mga produktong paliton.
Gipadayag ni Melissa nga nakapalit siya og sibuyas kagahapon sa presyo nga 200-pisos matag-kilo rason nga dili kini angayang ibaligya og 120-pisos.
