BUTUAN CITY – Nangandam na ang Israel alang sa pakigpulong uban sa administrasyon ni United States President Donald Trump bahin sa usa ka bag-ong 10-year security deal aron palapdan ang suporta militar sa U.S., bisan pa nga ang mga lider sa Israel nagtan-aw nga sa umalabot mahimong maminusan ang cash grants gikan sa Amerika.
Sigon ni Gil Pinchas, chief financial adviser sa military ug defence ministry sa Israel nga mu-resign na, mas iprioridad sa Israel ang joint military ug defence projects kaysa sa diretsong kwarta.
Ang kasamtangang kasabutan nga gipirmahan niadtong 2016 naghatag og $38 billion nga military aid hangtod sa 2028, lakip ang $33 billion para sa pagpalit og armas ug $5 billion para sa missile defense systems.
Gibutyag usab ni Prime Minister Benjamin Netanyahu nga gusto niyang hinay-hinay nga maminusan ang pagsalig sa U.S. military aid sa sunod nga dekada.
