BUTUAN CITY- Gipangulohan ni Victor Wembanyama ang iyang grupo nga San Antonio Spurs ug mingtala og 39 puntos aron pildihon ang Minnesota Timberwolves sa iskor nga 126-123.
Dakong ambag usab ang 25 puntos, 12 ka assist sa point guard nga si De’Aaron Fox ug 20 puntos ni Keldon Johnson alang sa kadaogan sa Spurs.
Samtang na-usik usab ang 55 puntos sa season career-high ni Anthony Edwards ug wala na-igo aron nga pas-anon ang iyang grupo nga Timberwolves padulong sa kadaogan.
Nahimong init usab ang duwa sa duha ka grupo kung asa minglamang og 25 puntos ang spurs sa paghuman sa halftime.
Gani naka-apas pa amh timberwolves pag-abot sa 4th quarter ug nakuha pa nga makabintaha sa iskor nga 110-108, apan subli na nga gisilyohan sa spurs ang ilang kadaogan human gisulod ni Fox ang duha ka managsunod nga free-throw upang aron ibalik ang kalamangan sa Spurs.
Samtang wala na nakagukod pa ang Timberwolves human usab nga ma-fouled out si Edwards sa duwa.
