BUTUAN CITY – Wala damha ni titser Carol Baro Figuro sa Savidug Elementary School, sa Brgy. Savidug lungsod sa Sabtang, Batanes, nga mag-trending ang wala’y pagpanuko niya og katkat sa ilang flagpole aron lang mataud ang pisi didto sa ibabaw tungod sa pagsige lang og kaputol niini.
Nasayrang dili lang diay kini ang unang higayon sa 38-anyos nga magtutudlo nga gihimo niya ang delikadong pagkatkat sa ilang flagpole tungod kay aron masiguro nga luwas ang mga estudyante, mas siya ang ganahang muhimo niini.
Gani iyang gibutyag nga grade 3 pa lang siya, magsakahan na siya sa mga punuan sa lubi rason nga anad kaayo siyang mukatkat.
Nasayrang si titser Carol, usa ka master teacher kinsa 4 ka tuig nang nagtudlo sa Savidug Elementary School kondin kada-adlaw siyang nagbiyahian sa gilay-ong 14-kilometro arn lang matudluan ang karon, 19 niya ka mga magtutungha.
