BUTUAN CITY – Nakatala ang Department of Health kon DOH og pagtaas sa kaso sa super flu (influenza A H3N2 subclade K) sa Pilipinas. Sa Disyembre 2025, 77 ka kaso ang na-detect kansa 83.7% sa tanang A(H3N2) nga na-sequence.
Pinakadaghan nga kaso ang natala sa National Capital Region kon NCR nga mi-abot sa 23, gisundan sa CALABARZON kon Cavite, Laguna, Batangas, Rizal ug Quezon ingon man ang Cordillera Administrative Region nga parehong anaa sa 16.
Sumala sa DOH, dili kini angay ikabalaka kay kadaghanan naka-recover man ug wala’y namatay.
Ang super flu usa ka variant sa influenza A nga pareho ra og simtomas sa ordinaryong trangkaso. Apan ang mga eksperto nagpasidaan nga mas agresibo kini tungod sa mutations nga mahimong mosangpot sa komplikasyon sa kasingkasing ug utok.
Ang World Health Organization nag-ingon nga wala’y ebidensya nga mas grabe ang sakit, dayong butyag nga epektibo gihapon ang bakuna.
Alayon niini, nanawagan si Dr. Rontgene Solante sa tanan nga magpabakuna ilabina kadtong mga tigulang ug mga adunay comorbidities, pag-abot sa updated flu vaccine sa Pebrero o Marso, ug magsul-ob og face mask sa high-risk nga lugar.
