BUTUAN CITY – Nagpadayon pa ang imbestigasyon sa mga sakop sa Bureau of Fire Protection-Cabadbaran City sa lalawigan sa Agusan del Norte aron masayran ang gigikanan sa kalayo nga maoy hinungdan sa pagka-abo sa usa ka pinuy-anan kagabii nga miresulta sa pagkamatay sa usa ka special child.
Sigon ni FO3 Niño Rizaldo, gibiyaang nag-inusara sa iyang inahan ang 14-anyos nga special child nga si Edna Saratay sa ilang balay sa Alaan St., Brgy. 7 sa nasangpit nga siyudad tungod kay duna siya’y gipalit.
Gilamoy na sa kalayo ang maong pinuy-anan diang kini mibalik hinungdan na wala na maluwas pa ang iyang anak og mi-abot sa P300,000.00 ang damyos sa na-abo nga dos-andanas nga pinuy-anan.
Ysa sa anggulong ilang gitutukan mao ang posibleng pag-tap matud pa sa inahan sa biktima og kuryente diha sa ilang silingan human kini naputulan o linya sa kuryente. (Beth Ruiz)
