BUTUAN CITY – Ningdaug ang Espanya kontra England alang sa record-breaking niini nga ika-upat nga kadaugan sa European Championship human giparot ang England sa iskor nga 2-1 human sa kulba-hinam nga second half sa Euro 2024 finals karong buntag – oras sa Pilipinas- kansa gipahigayon sa Berlin, Germany.
Unang ning-iskor sa maong dula ang breakout performer sa La Roja nga si Nico Williams human niini gipaligid ang bola sa kadaugan gikan sa mga tiil sa kauban niining si Lamine Yamal nga bag-ohay lang usab nagsa-ulog sa iyang ika 17 nga adlaw’ng natawhan.
![](https://img.bomboradyo.com/butuan/2024/07/Euro.jpg)
Na-apsan pa sa England ang Espanya sa tunga-tunga sa maong dula pinaagi sa outside the box ni Cole Palmer, apan lima ka minuto lang ang nakalabay human sa kasadya sa England, gitapos gilayon sa Espanya ang ilang pangandoy nga tropiyo dihang napasulod na usab ni Mikel Oyarzabal ang bola para sa Espanya kon team La Roja.
Gi-ila si Lamine Yamal sa La Roja isip Young player og the game kinsa ningsulod kini sa nasangpit nga kompetisyon sa edad nga 16-anyos.
![](https://img.bomboradyo.com/butuan/2024/07/Lamie-Yamal.jpg)