SP office sa Surigao del Sur, i-lockdown tungod sa 2 ka empleyadong COVID-19 positive

BUTUAN CITY – Temporaryong gi-lockdown kagahapong adlawa ang buhatan sa Sangguniang Panlalawigan sa Surigao del Sur human nga duha sa ilang mga empleyado ang nagpositibo sa COVID-19.

Tungod niini, gibutyag ni Ace Orcullo, ang Provincial Human Resource Management kon PHRM officer, 20 ka mga empleyado sa maong buhatan ang ipa-ilalom sa RT-PCR test karong Lunes, Mayo 31 aron malikayan ang posibleng pagkaylap pa sa maong sakit.

Sa pinaka-ulahing impormasyon, nasayran nga ang uban sa 20 ka mgaempleyjado, gitugutan nang maka-uli aron mag-self-quarantine ilabina kadtong duna’y mga comorbidities, senior citizens, duna’y maintenance nga tambal ug kadtong duna’y anak nga nag-edad og 3-anyos pa-ubos.