BUTUAN CITY – Gipadayag ni Senadora Risa Hontiveros nga angayan nang ipatawag ni Senate President ug Senate Impeachment Court presiding judge Chiz Escudero ang mga bag-ong senador isip mga huwis usab sa impeachment case batuk kang Vice President Sara Duterte.
Kini human nagsugod na kagahapon ang unang adlaw sa trabaho sa mga bag-ong senador sama nila Senador Erwin Tulfo, Camille Villar, Rodante Marcoleta, Bam Aquino, Kiko Pangilinan, Tito Sotto ug Ping Lacson.
Sa pagpanumpa na sa mga bag-ong senador, mahimo na matud pang mag-convene ang Senado isip impeachment court bisan og magsugod ang 20th Congress karon pang July 28.
Bahad pa niini, dili basta-basta na lang ibasura ang kaso batuk sa besi presidente pinaagi lang sa usa ka yanong mosyon bisan sa pagsugod na unya sa pagtaral. Kini ilabina nga katungdanan nilang dunggon ang kaso isip impeachment court adiser magdesisyon kung ibasura ba kini o dili.
Samtang gipadayag usab ni Senador Joel Villanueva nga adiser pa man magsugod ang 20th Congress, ila nang nadawat ang kopya sa mga dokumento gikan sa clerk of court rason nga mahimo na nila kining tun-an.
Nanawagan usab siya sa iyang mga ka-ubanang senador nga puy-an na ang ilang papel isip nga senator-judges nga wala’y dapigan tali sa prosekusyon ug sa depensa.
