BUTUAN CITY – Target karon sa Department of Agriculture kon DA Caraga nga palapdan pa ang soybean productionsa rehiyon ngadto sa 5-mil ektaryas pag-abot sa tuig 2025.
Tungod niini, gilusad sa buhatan ang information caravan sa soybean og soya innovations sa mga lungsod sa Carman, Buenavista ingon man sa Las Nieves, Agusan del Norte.
Sumala pa ni Alvin Asuncion, ang Focal Person sa Department of Agriculture kon DA Caraga nga mahinungdanon ang Soybean sa Caraga Region sanglit mao raman kini nga commodity ang nag number one ang Caraga Region sa tibook Pilipinas.
Dugang niini nga daghan og kagamitan ang Soybean, gawas sa pagkaon, mamahimo usab kini nga ingredients sa feeds, ug dugang niini nga kasagaran mga pagkaon sa Pilipinas nga nagkinahanglan og Soybean, sama sa taho, kay gikan pa sa laing nasod ang mga soybean niini. Kahibaloan nga ang Soybean ang usa sa mga priority commodities sa Caraga Region.
Sa tuig 2022, ang Caraga adunay kinatibok-ang prodoksyon 461.50 metric tons sa soya, o 73 percent sa 626.43 metric tons nga total annual production sa nasud.
