Southern Leyte Gov. Coco Yap, abswelto sa kasong rape

BUTUAN CITY – Gikalipay ni Southern Leyte Governor Christopher ‘Coco’ Yap ang pag-dismiss sa piskaliya sa reklamong rape nga iyang gi-atubang kansa gipasaka sa usa ka 17-anyos nga dalagita dihang besi-gobernador pa siya sa maong lalawigan.
Sa eksklusibong pakighinabi ning sibyahan, gibutyag niining gi-atubang niya ang maong reklamo niadto pang Disyembre ning mi-aging tuig 2017 kansa tumo-tumo lang matud pa og usa sa mga lakang nga giplano sa mga kaaway niya sa pulitika aron lang matangtang siya sa pwesto.
Giklaro sa gobernador nga gi-akusahan siya og bisan unsa taliwa nga ang kaayuhan lang sa katawhan ang iyang gihuna-huna aron matabangan ang ilang mga constituents.
Tungod niini, padayon gihapon ang iyang serbisyo sa tanang katawhan taliwa sa iyang kabag-o sa pulitika kondiin dinhi niya nakita ang kahugaw sa pulitika pinagi sa pagpahuyang kaniya tungod sa nagkada-iyang lakang nga gihimo sa Iiyang mga ka-atbang aron lang siya maluya sa iyang tinguha alang sa katawhan.
Sa iyang bag-uhay lang pagsulod sa pulitika, dinhi niya nakita ang kahugaw diay niini tungod kay ang mga tawo matud pang gustong mu-ilog sa iyang pwesto, muhimo man sa tanan nilang makaya aron lang sila mulampos sa ilang katuyuan. (Beth Ruiz)