BUTUAN CITY – Gi-aresto sa mga imbestigador ang gi-impeach nga si South Korea President Yoon Suk-yeol tungod sa mga akusasyong insurrection tungod sa kadiyot nga pagpatuman og martial law kansa daling gibabagan sa National Assembly sa maong nasud.
Sigon sa mga otoridad, gipatuman sa Joint Investigation Headquarters ang arrest warrant alang kang Suk-yeol kaganinang alas-10:33 sa buntag samtag alas-9:33 sa buntag usab dinhi sa Pilipinas, rason nga si Yoon ang unang South Korean president nga gi-aresto samtang anaa pa sa katungdaan.
Gika-ingong ang deputy chief sa Corruption Investigation Office (CIO) sa Seoul nga si Lee Jae-seung, maoy nanguna sa pag-imbestigar kang Yoon sulod sa interrogation room, uban sa mga legal representatives niini. Sigon sa CIO, idetine si Yoon sa Seoul Detention Center sa Uiwang.
Sa usa ka pre-recorded video message nga iyang gipagawas adiser ang iyang pagka-aresto, gibutyag ni Yoon nga nakadesisyon siyang mupa-ilalom sa imbestigasyon kalabot sa napalpak nga martial law bid aron malikayan ang duguong panghitabo.
Sigon sa mga reports, migamit na og mga ladders ang mga pulis ug mga imbestigador aron lang makasulod sa residential compound ni Yoon human sila unang gibabagan sa Presidential Security Service, nga nagbarikada sa entradang bahin gamit ang mga sakyanan.
