Source sa survey nga nagbutyag nga mayoriya sa mga Pinoy kontento kang VP Sara, gipangita sa palasyo

BUTUAN CITY – Gipadayag ni Palace Press Officer Undersecretary Claire Castro nga ilang gipangita kung asa gikan ang resulta sa SWS survey nga nagpakita nga 54-porsyento sa mga respondents ang kontento sa performance ni Vice President Sara Duterte.

Sigon ni Castro, bisan unsa pa man ang resulta sa survey, dili matud pa ikalimod ang kamatuoran nga ang pangulo mao ang nagtrabaho samtang ang uban nagbakasyon lang.

Naghinaot usab siya nga unta dili mahimong pamaagi sa pagpanglimbong sa kamatuoran ang mga survey nga gihimo.

Dugang pa ni Castro, kinahanglang ipakita ang tinuod kung kinsa ang nagatrabaho ug kinsa ang wala nagbuhat sa iyang responsibilidad.