BUTUAN CITY – Wala’y kalapasan sa balaud kung tas-an man sa gobyerno ang patong sa ulo sa usa ka pinangita sa balaud sama sa paghimo og 10-milyunes pisos nga reward sa makakita sa nahimutangan nga musangpot unya pagsikop kang Kingdom of Jesus Christ founder Pastor Apollo Quiboloy.
Reaskyon kini ni Atty. Hillary Olga Reserva sa pagpalag sa legal counsel ni Pastor Quiboloy sa gihimo sagobyerno ngadto sa iyang kliyente.
Sa eksklusibong interview ning sibyahan, gibutyag ni Atty. Reserva nga kinahanglan lang idetermina sa gobyerno ang tuburan sa maong kantidad aron masayran ang motibo sa gigikanan sa kwarta ilabina kung ang source, usa ka pribadong tawo.
Dili matud pa malikayan nga mukwestyon ang kampo ni Quiboloy sa kadako sa reward money nga gihanyag sa gobyerno kansa mas dako pa kaysa pipila ka mga wanted terrorists sa nasud.
Kini ilabina nga dili matud pa makonsidera nga kaaway kini sa gobyerno bisan og duna siya’y mga gi-atubang nga kaso.
Kini ang rason nga angayan lang tumbukon sa kampo ni Quiboloy kung asa ug kinsa ang nag-donate sa maong kantidad aron malikayan nga mahuna-hunaang makonsidera kining usa na ka klase sa kurapsyon.
