BUTUAN CITY – Midagan pa og pipila ka adlaw adiser nabulabog nga gipatay na diay sa iyang kaugalingong anak ang usa usa ka inahan didto sa Barra, Northern Poblacion, Plaridel, Misamis Occidental.
Kini human nga mi-alisngaw na ang dili maayong baho gikan sa pinuy-anan sa mag-inahan rason nga nanawag na og mga pulis ang ilang mga silingan kagahapon ug gisusi ang gigikanan sa maong baho.
Didto nadiskubrehan ang patay’ng lawas sa biktima nga giputos og cellophane ug gibutang ilalom sa katre sulod sa ilang panimalay.
Nasayran sa inisyal nga imbestigasyon nga nangayo matud pa og kwarta ang 17-anyos nga suspetsado ug dihang wala kini hatagi, didto niya kini gipatay.
Mibati og kapungot ang ilang mga silingan tungod kay nagngisi pa ang suspetsado dihang gibitbit sa mga pulis ug gisuta pa kung sa unsang paagi gipatay niini ang iyang inahan.
