BUTUAN CITY – Hapsay ug klaro nga gipresentar ni Mayor Joselito ‘Jun’ Talan-Roble ngadto sa katawhan sa lungsod sa Buenavista, Agusan del Norte ang mga nahuman nga proyekto, ingon man ang mga konkretong plano alang sa kalambuan ug direksyon alang sa umalabot pa nga katu-igan sa ilang lungsod.
Atol kini sa iyang State of the Municipality Address kon SOMA 2026 kagahapon kansa lakip sa mga highlights sa kasa-ulugan sa maong lungsod sa ika-86 nga Araw ng Buenavista.
Gipadayag sa mayor ang mga kalampusan ug plano sa Buenavista gamit ang BUENAS framework alang sa pagpatukod ug pag-ayo sa mga kalsada, tulay, ug public facilities; pagpalambo sa health services ug edukasyon ingon man ang paghatag og suporta sa local businesses ug agri-based livelihood.
Iya usab nga gipasalig ang pagpanalipod sa kinatibuk-an ug solid waste management; pagpalig-on sa disaster preparedness ingon man ang kahapsay ug kalinaw sa lungsod ug ang transparency ug participatory governance.
Gi-tambungan usab kini nila Governor Angelica Amante, Congressman Dale Corvera, ug Bise Gobernador Enrico Corvera
