BUTUAN CITY – Sa tumong nga matubag ang dugang nang isyu nga krises sa tubig sa Butuan City, gipasegarbo sa Department of Public Works and Highways-kon DPWH Butuan City District Engineering Office nga nakumpleto na ang pagtukod sa solar-operated water supply and pumping system.
Tungod niini, mahatagan na og malahutayong pag-apod-apod og tubig sa Brgy. Bancasi og kasikbit nga mga lugar sa Butuan City isip tubag sa kanihit sa tubig sa Butuan City Water District ilabina ning panahon sa huwaw hinungdan gipa-ilawom ang Butuan sa State of Calamity.
Ang maong solar water system, adunay 20-cubic elevated stainless nga water tank og tungod kay aduna kini tap stands, seguradong walay bugto ang suplay sa tubig , ilabina panahon nga sama sa kasamtangan kundiin dakong problema sa mga residente ang tubig sa Butuan City Water District kon BCWD.
Gisugdan ang paghimu sa nahisgutang proyekto niadtong Oktubre 9, 2023 ilawom sa CY 2023 Regular Local Infra Program.
Muabot ang katibuk-ang pondo sa proyekto nga 9,797,654.404 nga usa ka dakong lakang sa DPWH alang sa suplay sa hinlo og malungtaron nga suplay sa tubig alang sa mga residente sa Barangay Bancasi.
