BUTUAN CITY – Nangayo og pasaylo si South Korea President Yoon Suk Yeol sa iyang pagdeklara og martial law sa sayong bahin ning semanaha dayong saad nga wala na’y susamang kamanduan ang iyang ipakanaog. Nasayrang nag-atubang karon og posibleng impeachment ang presidente human sa iyang deklarasyon kansa daling gibali sa National Assembly.
Isip tubag sa iyang pamahayag, gipadayag sa lider sa iyang ruling People Power Party (PPP) nga si Han Dong-hoon, nga imposible na alang kang Yoon ang pagpadayon sa iyang normal duty ilabina nga klaro na ang iyang pag-resign.
Una nang gila-uman sa kadaghanan nga himuon kini ni Yoon kansa mao ang pinaka-una sukad sa iyang deklarasyon sa emergency martial law ug gila-uman usab anag iyang pag-resign apan wala niya kini gihimo. Hinuon gipadayag niini nga iyang i-delegate ang trabaho sa pag-estabilisar sa sitwasyon ngadto sa iyang ruling party ug wala usab kini maghisgot og impeachment.
