BUTUAN CITY – Inanay na karong misikat ang Hirata, usa ka gamay nga village sa Fukushima Prefecture sa Japan tungod kay ginadayo kini sa mga turista aron lang matilawan ang ilang grabe kahalang nga habanero-laced ice cream.
Ang ice cream, pisik-pisikan og habanero pepper powder – depende kung asa kutob ang makaha nga kahalang sa usa ka indibidwal ug siguraduhong dii kini ma-usik.
Tungod sa grabe kahalang, ang mutilaw niini kinahanglang mupitma og waiver aron dili sila basulon kung unsa man ang mahitabo sa mutilaw niini.
Tulo ka mga mag-uuma ang nakahuna-huna paghimo niini human mitubo ang cute kaayo nilang gitanom nga Habanero peppers, ug tungod kay wala sila mukita niini tugod sa sobrang kahalong, rason nga ila kining gi-topping sa ilang ice cream nga gi-ila na karong Habanero ice cream.
Wala’y angayang kabalak-an sa gasto tungod kay libre kini alang sa makahurot sa maong ice cream nga wala’y ma-usik.
