BUTUAN CITY – Nagkaguliyang ang mga nangaligo sa dagat sa Brgy. Masao ning syudad sa Butuan kagahapong adlawa human nila masaksihan ang grabeng kadaghan sa mga nanglutaw nga mga patay’ng isda sa ilang gikaligoan.
Sa pakighinabi ning sibyahan, gibutyag ni Kagawad Felix Lariba sa nasangpit nga barangay, nga nagsugod matud pa
ang nasangpit nga senaryo bandang alas- 10 ang takna pa lamang sa bunta g dihang midagsa ang bagang duot sa isdang tamban ngadto sa mga gipangmuntar nga bunsod sa kadagatang bahin sa maong barangay.
Tungod matud pa sa kapuno sa isda sa mga bunsod, wala na maato pa pagkuha sa mga mangisdaay ang midagsang mga isda rason nga nanga-anod na lamang ang kadaghanan sa mga niini sa sug kondiin gipanghatag na lang kini nga libre ngadto sa mga nangaligo kansa ilang gikalipay tungod kay nalibre naman ang ilang pang-kilaw ug pang-sugba.
Subay niini, giklaro ni Kagawad Lariba nga hinlo ang nasangpit nga mga isda tungod kay bag-uhay pa man kini nanga-anod gikan sa mga bunsod sa dagat.
Alayon niini, hisgutan sa session ugmang adlawa sa ilang barangay council ang nasangpit nga panghitabo aron matambagan ang mga mananagat sa angayang buhaton higayong nga masubli pa ang susamang senaryo sa ilang baybayon aron dili usab kini mu-ani ug kabalaka sa ubang tawo. (Mon Aplaya)
