BUTUAN CITY – Gibarugan ni Senate President Vicente ‘Tito’ Sotto III nga dili pa tugutan sa Senado ang hangyo nga ipakita na sa publiko ang draft partial committee report kalabot sa kontrobersyal nga anumalusong mga flood control projects.
Kini subay na sa petisyong giduso sa Senado nga nag-awhag nga ipagawas na ang dokumentong nag-leak niadtong Martes.
Gipasabot ni Sotto, kini tungod kay unofficial pa ang maong papel tungod kay wala pa kini nabasa, nasusi ug napirmahan sa ubang mga membro sa Senate blue Ribbon Committee.
Giklaro usab sa senador nga ang mikaylap nga draft gama lang sa staff ug dili pa pinal nga produkto ni committee chairman Panfilo ’Ping’ Lacson.
Nagpahimangno pa si Sotto nga delikado pa kung ipagawas kini karon tungod kay posible matud pang duna’y mga inputs niini nga kuwang o kaha sobra.
