BUTUAN CITY – Gi-anunsyo ni Senador Panfilo “Ping” Lacson nga ipahigayon ang sunod nga hearing sa Senate Blue Ribbon Committee sa Nobyembre 14 kondiin usa ka importante kaayong testigo ang ilang gi-imbitahar aron mag-hatag og katin-awan sa mga isyung gituki sa imbestigasyon.
Bisan pa man nga wala pa gipanganlan ang testigo, gisiguro ni Lacson nga kini adunay direktang kahibalo sa mga hisgutanang korapsyon. Gi-imbitar usab sa hearing si retired Technical Sergeant Orly Guteza.
Ang hearing parte sa nagpadayong imbestigasyon sa komite sa mga alegasyon sa iregularidad sa paggamit og pundo sa kagamhanan.
Nanawagan si Lacson sa publiko nga hatagan og dakong pagtagad ang hearing tungod sa kabug-at sa mga isyu ilabina nga importante ang partisipasyon sa katawhan aron mapanubag ang mga nalambigit sa kurapsyon. Lauman nga maghatag og katin-awan ang sunod nga hearing sa mga pangutana nga naglibot sa isyu.
