BUTUAN CITY – Usa na lang ka daug ang gikinahanglan sa San Miguel Beermen aron makasulod sa finals sa PBA Philippine Cup human nakuha ang 3–2 nga labaw dihang ilang napildi ang Barangay Ginebra sa score nga 115–109 sa duwa nga gipahigayon sa Smart Araneta Coliseum kagabii.
Nanguna sa kada-ugan sa Beermen si June Mar Fajardo nga mikamada og 21 points ug 11 rebounds, samtang si CJ Perez adunay 20 points, tulo ka rebounds ug duha ka assists.
Gidayeg sa Beermen head coach nga si Leo Austria ang iyang mga magdudula tungod sa ilang paningkamot ug determinasyon aron modaog.
Niabot pa sa 17 puntos ang labaw sa Beermen apan napakunhod kini sa Ginebra ngadto sa 11 puntos.
Wala napahimuslan sa Ginebra ang 20 points ni Scottie Thompson ug ang 18 points ni RJ Abarrientos.
