BUTUAN CITY – Mi-abot sa ₱11.2-M ang natalang kinatibuk-ang damyos sa Municipal Disaster Risk Reduction and Management Council (MDRRMC) sa lungsod sa San Miguel, Surigao del Sur human ang kusog nga linog kagahapon.
Base sa ilang gipagawas nga report pasado bandang alas-9 kagabii, gibana-banang 33 ka mga pamilya kon bugti sa 99 ka mga tawo gikan sa 18 ka mga barangay ang apektado gawas pa sa 18 ka mga balay nga nadamyos apil na niini ang 8 nga hingpit nga nahugmak samtang 10 ang mitala og igo-igo nga damyos nga misuma-total sa ₱2.36 milyon.
Dakong kadaut usab ang natala sa mga imprastruktura ug sa sektor sa agrikultura nga mi-bot sa ₱8.9 milyon ilabina sa grabeng na-apektuhang nga mga barangay, ang San Roque, Libas Sud, Mahayag, Patong, ug Umalag, kondiin nadamyos ang ilang mga water reservoir ug barangay offices.
Daling gimando ni Mayor Michael Corilla ang pag-activate sa Emergency Operations Center (EOC) ingon man ang pagpahigayon og Rapid Damage Assessment and Needs Analysis (RDANA) aron makuha ang labing gikinahanglan sa mga apektado.
