BUTUAN CITY – Padayong mi-ani og nagkada-iyang reaksyon ang video post ni presidential sister Senadora Imee Marcos ngadto sa mga opisyal sa gobyerno nga nagpalibot sa iyang igsoong si Pangulong Ferdinand Marcos Jr nga dili unahon ang ilang kaugalingong interest ug pasagdan na lang ang pangulo ilabina ang iyang panglawas.
Kini human nakumpirma niadtong weekend ang gihambing diverticulitis sa presidente human unang gitaho ni Palace Press Officer Undersecretary Claire Castro nga nakasinati kini og discomfort nga gisundan pa sa interview niini ngadto sa mismong pangulo kondiin gipadungog-dungog pa ang mga laug matud pa sa gahom nga ‘still alive and kicking’ pa kini.
Gikwestyon pa sa senadora, kung kinsa sa mga tawong anaa palibot sa iyang manghod ang tinuod nga nag-atiman og nagpakabana ilabina sa panglawas niini tungod sa kanya-kanya matud pa nilang agenda
Samtang gisaway usab kini sa Malakanyang kondiin gibutyag ni Atty Castro nga angayang respituhon ug dili himuong kataw-anan ang panglawas sa presidente tungod kay kinahanglan matud pa sa presidente o ni kinsa man ang adunay sakit, ang tinud-anay nga pagpakabana ug tinuod nga pag-atiman ug dili ang paghimo niining clown atubangan sa publiko.
Gidugang pa ni Castro, dili angay magpaka-plastik o mugamit sa mga isyu sa panglawas aron lang makuha ang simpatiya sa kadaghanan, dayong awhag sa tanan nga mahimong responsable ug tawhanon sa ilang mga pamahayag.
