BUTUAN CITY – Gihingusgan sa kapulisan ang hugot nilang pagpatuman sa SP Ordinance No 5598-208 o mas nailang “SMOKE FREE ORDINANCE OF BUTUAN CITY”.
Gipangunahan mismo ni Atty. Cisco Franz Maclang ang Butuan City Legal Officer ang gipahigayon kagahapon nga forum aron maklaro ang nasangpit nga ordinansa ngadto sa kapulisan alang sa full implementation niini.
Apil usab sa mga nahisgutan ang mga person-incharge sama sa mga establishement owner, mga drivers, ug school heads nga maoy magsilbing force multipliers sa pagpatuman sa nasangpit nga balaod.
Sumala kang BCPO Spokesperson Emmerson Alipit, magpahigayon sila ug city-wide information dissemination kalabot sa maong ordinansa. Gihingusgan usab sa kapulisan ang sugyot nga tugotan ang si kinsa sa ilang sakop sa pagdakop sa mga salawayon sa maong balaod.
Sa karon nagpaabot nalang sa kapulisan ang gamiton nga citation ticket alang niadtong mga madakpang mosupak sa nasangpit nga ordinansa.
Kahinumdumang ang maong ordinansa nagasurporta sa Executive Order No. 26 nga gi isyu ni President Duterte gikan niadtong 2017, ang pag ban sa pagpanigarilyo sa mga pampublikong lugar, apil na niini ang vaping o ang paggamit sa e-cigarettes o Electronic Nicotine ug Non-Nicotine Delivery System kon ENDS nga gipatuman sa tibuok nasud.
