BUTUAN CITY – Girekognisa na sa Supreme Court (SC) nga ang mga same-sex couples nga nag live-in mahimong co-owners sa mga propiedad ubos sa Article 148 sa Family Code, basta adunay ebidensya sa aktuwal nga kontribusyon sa duha ka partido.
Sa 14 ka palid nga desisyon, gibali sa SC ang ruling sa Court of Appeals (CA) ug sa usa ka Regional Trial Court (RTC) nga wala nag-ila sa petisyoner isip co-owner. Gi-grant sa Korte Suprema ang reklamo sa petitioner alang sa partition sa property, ug gi-ila siya nga co-owner sa balay ug lote nga ilang gipalit ug gipuy-an sa Quezon City.
Sigon sa SC, ang Article 147 alang sa lalaki ug babaye nga nagpuyo isip magtiayon nga walay kasal, samtang ang Article 148 alang sa mga magti-ayon nga dili tugotan nga magminyo sama sa same-sex couples.
Sa Article 148, ang mga propiedad nga maapil sa co-ownership mao lamang ang mga gipalit pinaagi sa aktuwal nga kontribusyon. Sa concurring opinion, gi-emphasize ni Senior Associate Justice Marvic Leonen nga ang same-sex relationships normal nga relasyon ug kinahanglan nga mahatagan og legal nga proteksyon.
