BUTUAN CITY – Gihukman og 20 ka buwan nga pagkabilanggo ang asawa sa napahawa nga kanhi pangulo sa South Korea tungod sa pagdawat og suhul gikan sa kontrobersiyal nga Unification Church.
Bisan pa niini, gilimpyohan sa korte ang 52 anyos nga si Kim Keon Hee sa mga kaso sa stock price manipulation ug sa pagdawat og libre nga opinion polls gikan sa usa ka political broker sa wala pa ang 2022 presidential election, kondiin midaog ang iyang bana nga si Yoon Suk Yeol.
Si Yoon una nang gisentensiyahan og lima ka tuig nga pagkabilanggo tungod sa pag-abuso sa gahum ug pagpugong sa hustisya may kalabutan sa iyang napakyas nga bid sa martial law niadtong 2024.
Kini ang unang higayon sa kasaysayan sa South Korea nga ang usa ka kanhi presidential couple nakondena sa susamang panahon.
Kaganina, nakahukom si Judge Woo In-sung sa Seoul Central District Court nga si Kim gigamit matud pa sa sayop ang iyang posisyon aron makakuha og personal nga kaayohan.
