BUTUAN CITY – Gihulat pa sa Sangguniang Panlungsod sa Butuan City ang lakang nga himuon sa Department of Interior and Local Government kon DILG-Caraga sa nabakanteng posisyon karon sa Sangguniang Kabataan kon SK Federation president ning siyudad.
Kini human ang pagduso og resignation letter ni SK Butuan City Federation President Wen Kok Lim Chiang II sa rasong duna siya’y importanteng mga commitment rason nga dili na niya matutukan pa ang iyang responsibilidad sa maing kahugpungan.
Sa eksklusibong pakighinabi sa Bombo Radyo Butuan, gibutyag ni Butuan City Councilor Ferdinand Nalcot, nadawat na sa konseho ang maong sulat og na-apil na kini sa ilang agenda nga ilang tukion og aprubahan sa sunod nilang sesyon.
Dugang pa ni Konsehal Nalcot, adiser pa sila makahimo ug sunod nga lakang kung duna na sila’y makuhang reaksyon sa maong sulat gikan sa DILG, bisan og gibakante na kini.
