BUTUAN CITY – Padayon karung gimonitor sa kapulisan ning siyudad sa Butuan ang nahimutangan sa nag-unang suspetsado sa pagpatay sa Sanguniang Kabataan kon Sk Chairman Nelbert Gacosta sa Barangay Lumbucan niadtong Hunyo ning tuiga.
Kini human migawas ang warrant of arrest batuk sa suspek nga si Jigger John Bernados, usa ka SK Chairman usab sa Barangay Pinamanculan ning dakbayan. Sigon ni Police Lt. Anne Cubio, Tigpamaba sa Butuan City Police Office, nga nakabantay na ang suspek nga siya dunay warrant of arrest rason sa pagtago-tago niini.
Sumala pa tigpamaba sa kapulisan ning siyudad nga lakip sa nakatabang pagtumbok sa maong suspek ang pamahayag sa biktima sa dihang gidala kini sa ospital nga base sa nakaresponde, militok kini sa ngalan sa SK Chairman nga si Bernados.
Lakip sa gipalawman usab nga imbestigasyon ang pag-ila sa posibleng kauban sa suspek sa paghimo sa kremin.
Gikumpirma usab niini nga narekober ang motor sa biktima didto na sa Barangay Bayanihan ning siyudad sa Butuan.
Nasayrang sa pagpanubay didto sa panimalay sa suspek, niadto pa diay’ng Agosto nananghid sa iyang ginikanan nga molakaw ang suspek og hangtud karun wala pa silay kasayuran kung asa na kini nahimutang.
Sa kabahinan ni Barangay Pinamanculan, Butuan City Kapitan Desiderio Cuenca gikumpirma niining unom ka sunod-sunod nga session nang wala makatambong si Bernados o sukad pa niadtong Setyembre.
Gane, naghimo sila og resolusyon diin nag-request sa Sanguniang Bayan nga imbestigahan ang SK Chairman aron masuta kung nganung wala na kini mihimo sa iyang serbisyu.
Kini aron usab masayran ang sanction nga atubangon niini og ilang mapulihan.
